Xoşbəxtlik ağacı, Çin bambuku və ya xoşbəxtlik bambuku - bu ad altında mağazalarda bir neçə sarınmış borucuq şəklində, yaşıl yarpaq rozetlərinə malik olan bitki satılır. Əsasən mülayim temperaturda saxlanmalıdır, 26°С-dən yuxarı temperaturda yarpaqların ucları quruya bilər. Qışda bambuku oranjereyada– işıqlı sərin yerdə, təxminən 12-13°С temperaturda saxlamaq daha uyğundur. Cavan bitkiləri hər il yazda, 3-4 yaşdan yuxarı olan bitkiləri isə 2-3 il sonra çıxarıb başqa yerə əkirlər.
