Vətəni – Aralıq dənizi ölkələridir. Bu cinsə cəmisi bir növ daxildir – alçaq boylu xamerops (Chamerops humilis). Onun yarpaqları sərt, tünd-göy rənglidir, tikancıqlı uzun saplaqlar üzərində yerləşir, asanlıqla tökülən boz tükcüklərlə örtülmüşdür. Xamerops ləng boy atır və çox da tələbkar deyildir. Xamerops mülayim temperaturları sevir, yayda istini pis keçirir. Bir qədər birbaşa günəş şüalarının düşdüyü işıqlı yerdə saxlanmalıdır. Əgər palma ölçülərinə görə yerləşirsə – pəncərəaltına qoymaq olar, əgər yerləşmirsə, otaqda, pəncərənin yaxınlığında kiçik masa üzərində saxlamaq lazımdır.
