Vestringiya - Dodaqçiçəklilər fəsiləsini birləşdirən həmişəyaşıl kol bitkiləri cinsidir. Cinsin tərkibinə dairəvi çətirə malik olan, dik duran həmişəyaşıl və dekorativ kol bitkilərinin 25-dək növü daxildir. Bitkinin yarpaqları sıx yerləşir, ensiz xətti-oval formalıdır, zahirən rozmarin yarpaqlarına bənzəyir. Vestringiya daimi qulluq tələb etməyən bitkidir. Quraqlığa davamlıdır, buna görə də qısamüddətli susuzluq ona mənfi təsir etmi, lakin uzunmüddətli quraqlıq yarpaqlarının tökülməsinə, bu da öz növbəsində sıx çətirlərin seyrəlməsinə gətirib çıxara bilər.
