Bağınız trendləri izləsin

Bağın 4 mövsüm baxıma ehtiyacı olur və ona qulluq göstərmənizi tələb edir. Bu canlı aləm uzun illərin və fəsillərin müxtəlif təsirlərinə də uğrayır. Ona görə də necə deyərlər, əlinizi üzərindən çəkməməlisiniz. Bütün bu detallarla birlikdə bağınızı daim yeniləmək üçün əlbəttə ki, dünya üzrə bağ trendlərini də izləməlisiniz. Hamının bağı məxsusidir və onun şəxsiyyətini əks etdirir. Yenilikləri öz istəklərinizə uyğunlaşdırın. Bu məqsədlə 2014-cü ilin trendlərindən ibarət bir siyahı hazırladıq. İlin bağ trendində təbiilik mütləqdir. Bağınızı yeniləyərkən onun ümumi görünüşünə xələl gətirməmək və ətraf mühitə həssas yanaşmaq lazımdır. Gəlin qolları bərabər çırmalayaq və yeni trendlərlə bir bağ yaradaq.

1. Saxsıları unutmayaq

Saxsı detalını bağa mütləq əlavə etmək lazımdır. Müxtəlif bitkilərin arasında və ya asfalt örtüklü yaşayış yerlərində fərqli ölçülü saxsılardakı bitkilərdən istifadə edin. Əlbəttə ki, istifadə məkanları bu qədər az deyil. Eyvanda tavandan asılan və divara bərkidilən saxsılardan da istifadə edə bilərsiniz. Divar və tavan saxsıları yerə qənaət baxımından idealdır.

Bu il bağınızda görülməli olan işləri bilmək istəyirsiniz?

Bu dəyişikliklər zamanı 2014-cü il trendlərindən yararlanın.

2. Texnologiya sizi səsləyir

Artan trendlər arasında yeni texnologiyalar xüsusi yer tutur. Artıq bağınızı yeniləmək üçün günlük məlumatlar smartfon telefonlar və planşetlərin tətbiq proqramları ilə əlinizin içindədir. İzləyin, bağınızı yeni trendlərə uyğunlaşdırın.

3. Tərəvəz aləmi

Bağdan öz əllərinizlə yığdığınız meyvə-tərəvəzin dadından doymaq olmur. Üstəlik, tərəvəz bağları artıq trendlər siyahısının ilk pillələrində yer alır. Soğan becərsəniz onun gözəl və qüsursuz, bənövşəyi çiçəkləri bağa fərqli ab-hava qatacaq.

4. Super-qəhrəmanlar

İşçi arılar hər zaman çalışır. Bütün ləzzətli meyvə-tərəvəzləri tozlanmanın baş rol qəhrəmanı arılar sayəsində yeyirik. Bunun üçün arıları bağınıza cəlb etməlisiniz. Necə? Bağda çiçəkləyən bitkilərə daha çox yer ayırmaqla.

5. Güzgünün gücü

Bağınızın daha böyük görünməsi üçün güzgünün gücündən faydalanın. Bitkilərin güzgüdə əks olunması sizə əla əhval-ruhiyyə bəxş edəcək. Bundan başqa divarda xüsusi çərçivə içərisindəki güzgüdən də istifadə edin. Bu da yaşılın bolluğuna xidmət edəcək.

6. Ağaclara sahib çıx

Böyük şəhərlərdə ağaclar tez-tez kəsilir. Şəhərləşmə yaşıl örtüyü betonla əvəzləyir. Bu il dünyada 4 milyondan çox ağac kəsildiyini bilirdiniz? Bunun üçün çoxlu ağac əkməyə çalışın, ağacları qoruyun. Bundan başqa bağınıza da hündür ağaclar əkməyi unutmayın. Çinar, cökə, salxım söyüd kimi kölgə verən ağacların olması bağı daha da qiymətli edər. Onların arasına sidr, küknar və şam növləri kimi həmişəyaşıl ağacları da əlavə etsəniz bağda xoşagələn görüntü yaradar. Amma bu ağacları əkəndə sonrakı illərdə böyüyəcəyini də nəzərə almalısınız.

7. Sadə gözəllik

Xəyalınızda tək rəngli bir çiçək düşünün. Təkrar istifadəyə yararlı bir qutuya bu çiçəklərdən əkin. Onları bağın müxtəlif yerlərinə qoyun və möhtəşəmlik yaradın.

8. Suyun lətafəti

Suyun yaradacağı atmosfer diqqətinizi cəlb edirsə, bağınız yenilənərkən siyahıya bu maddəni də əlavə edin. Bağın böyüklüyünə uyğun dekorativ hovuzlardan yararlana bilərsiniz. İstirahət məkanına yaxın bir yerdə su səsinin sakitləşdirici təsirini bağla cəmləşdirin.

9. Fərqli material, fərqli gözəllik

Gül-çiçəkli ərazidə görünən torpaq səthdən xoşunuz gəlmirsə, fərqli materiallardan istifadə edin. Ağac gövdəsinin qabıqları, qozalar, cilalanmış şüşə parçaları, müxtəlif ölçülərdə təbii daşlarla torpaq səthini örtə bilərsiniz.

10. Sukkulent bağlar

Ətli yarpaqları, mavi-yaşıl rənglərilə sukkulentlər həmişə diqqəti cəlb edir. Sukkulentlər gövdə və ya yarpaqlarındakı toxumalarda susaxlama qabiliyyətinə malikdir. Fərqli forma və çiçəkləri olan müxtəlif sukkulentləri bir yerə yığaraq, qayalıq bağ, şaquli bağlar və hətta qeyri-adi bağ dizaynları da yarada bilərsiniz.

11. Mədəniyyətlərin qovuşması

Çoxumuzun bağında xarici bitki sortlarına daha çox rast gəlinir. Amma çalışın ki, yerli toxumlardan əmələ gələn bitkilərə bağınızda daha çox yer ayırasınız. Çünki hər bir bitki öz vətənində daha çox məhsul verir və ən əsası daha dadlı olur. Misal üçün, bağınızda qıp-qırmızı pomidor yetişdirməklə ekoloji təmiz məhsulları gələcək nəsillərə ötürə bilərsiniz.

12. Təkrar istifadənin önəmi

Evinizdə istifadə etdiyiniz təkrar istifadəni bağınıza da köçürün. Bağ və mətbəxdəki tullantıları təkrar istehsala yönəldin. Bunun sayəsində bağınız üçün əla gübrə hazırlamış olursunuz. Bitkinin məhsuldarlığının isə gübrələmədən asılı olduğunu unutmayın.