Həmişəyaşıl şümşad (Buxus sempervirens) – həmişəyaşıl, gec böyüyən kol bitkisidir, təbiətdə hündürlüyü 10 metrə çatır. Yarpaqlarla sıx örtülmüş düz zoğları vardır. Yarpaqları uzunsov formalı, ucları kütdür, oturaqdır, tünd-yaşıl rəngdədir. Çiçəkləri xırdadır, kifayət qədər yaraşıqsızdır, adətən bircinslidir. Yayda adi otaq temperaturu məsləhətdir, halbuki şümşad açıq havada bitməyi sevir. Yaz şaxtaları keçib getdikdən sonra eyvanda yerləşdirmək olar, payızda, ilk soyuqlar düşdüyü zaman içəri keçirmək lazımdır. Parlaq səpələnmiş işıq, səhər və axşam xəfif günəş şüaları məsləhətdir. Yayda gündüz vaxtı birbaşa günəş şüalarından kölgələndirmə tələb olunur. Bağda şümşadı daha hündür kolların və ağacların təbii kölgəsində yerləşdirirlər.
